নিয়মীয়া বাৰ্তা, ৩০ মাৰ্চঃ ক’ভিড–১৯ মহামাৰীৰ বাবে হোলী উৎসৱ ৰাজহুৱাকৈ পালন কৰাৰ ক্ষেত্রত বিভিন্ন ৰাজ্যৰ চৰকাৰ তথা কেন্দ্রীয় শাসিত অঞ্চলসমূহে নিষেধাজ্ঞা আৰোপ কৰা সত্ত্বেও এই নিষেধাজ্ঞা বহু ৰাজ্যত উলংঘা হৈছে৷
হোলীৰ সৈতে সংগতি ৰাখি বিহাৰত পালন কৰা ‘হোলীকা দহন’ উৎসৱত অংশগ্রহণ কৰা একেটা পৰিয়ালৰে তিনি শিশুৰ মৃত্যু হোৱাৰ পিছত সমগ্র ৰাজ্যখনত সৃষ্টি হৈছে চাঞ্চল্য৷
বৌদ্ধ গয়াত হোলীকা দহনত অংশগ্রহণ কৰা এই শিশু তিনিটা জীৱন্তে জ্বলে বুলি সংবাদ পৰিৱেশন কৰিছে ‘লাইভ হিন্দুস্তানে’৷ এই ঘটনাৰ পিছতে হোলী কা দহন কিয় ৰাজহুৱাকৈ আয়োজন কৰা হ’ল তাক লৈ চলিছে সৰৱ চর্চা৷