বলীউডৰ জনপ্ৰিয় গায়ক বাপ্পী লাহিড়ী আৰু নাই। মঙলবাৰে মাজ ৰাতি মুম্বাইৰ জুহুৰ এখন বেচৰকাৰী হাস্পাতালত মৃত্যু হয় সংগীত শিল্পীগৰাকীৰ। মৃত্যুৰ সময়ত তেওঁৰ বয়স আছিল ৬৯ বছৰ। বিগত বছৰৰ এপ্রিলত কৰোণাত আক্ৰান্ত হৈছিল লাহিড়ী। তেতিয়া মুম্বাইৰ ব্রীচ কেণ্ডী হাস্পাতালত ভর্তি হৈছিল বাপ্পী লাহিড়ী। কিছুদিন পাছত সুস্থ হৈ ওভতিছিল। মঙলবাৰে মাজৰাতি ‘অবষ্ট্ৰাকটিভ স্লীপ অপনিয়া’ত আক্রান্ত হৈ শেষ নিশ্বাস ত্যাগ কৰে তেখেতে। হাস্পাতাল সূত্রই প্ৰকাশ কৰা মতে, বিগত প্রায় এমাহ বিভিন্ন শাৰাৰিক সমস্যাত ভুগি হাস্পাতালত ভর্তি হৈ আছিল। ৮০ৰ দশকৰ হিন্দী ছবি জগতৰ অন্যতম জনপ্রিয় নাম আছিল বাপ্পী লাহিড়ী। তেখেতৰ মৃত্যুত দেশৰ ৰাষ্ট্ৰপতিকে ধৰি বিভিন্নজনে শোক পেৰকাশ কৰিছে।