নিয়মীয়া বাৰ্তা ১৯ ফেব্ৰুৱাৰীঃ অনলাইন বাণিজ্যিক সংস্থা ‘আমাজ’ন’ৰ মুখ্য কার্যবাহী বিষয়া (চিই’) জেফ বেজ’ছে পুনৰ বিশ্বৰ আটাইতকৈ সমৃদ্ধিশালী ব্যক্তিৰ স্থান লাভ কৰিবলৈ সক্ষম হৈছে৷ বেজ’ছক অতিক্রম কৰি মাত্র কিছুদিন পূর্বে বিশ্বৰ আটাইতকৈ ধনী ব্যক্তি হিচাপে চিহ্ণিত হৈছিল টেছলা তথা স্পেচ এক্স কোম্পানীৰ চিই’ এল’ন মাস্কে৷ শেহতীয়াকৈ পুনৰ এল’ন মাস্কক অতিক্রম কৰি বিশ্বৰ ধনী ব্যক্তিৰ তালিকাত শীর্ষস্থান দখল কৰিছে জেফ বেজ’ছে৷ জেফ বেজ’ছৰ বর্তমান মুঠ সম্পদ হৈছে ১৯১.২ শ কোটি ডলাৰ৷ অর্থাৎ ১৯,১২০ কোটি ডলাৰৰ গৰাকী বেজ’ছ৷ ইফালে টেছলাৰ চিই’ মাস্কৰ সম্পত্তিৰ পৰিমাণ হ্রাস পাইছে ২.৪ শতাংশ৷ ভাৰতীয় মুদ্রাৰ হিচাপত বেজ’ছৰ ধনৰ পৰিমাণ ১৩ লাখ ৯০ হাজাৰ ৯০০ কোটি টকা৷ মাস্কৰ সম্পদ বেজ’ছতকৈ ৬,৯৫০ কোটি টকা কম৷