বিশেষ বাৰ্তা, ১৯ মাৰ্চঃ ফেচন ডিজাইনিঙৰ পৰা ৰাজনীতিলৈ অহা এগৰাকী মহিলা এইবাৰ শত্ৰুঘ্ন সিনহাৰ প্ৰতিদ্বন্দ্বী। পশ্চিমবংগৰ উপ নিৰ্বাচনত আচাঞ্চোল লোকসভা সমষ্টিত বিজেপিৰ পৰা ৰণক্ষেত্ৰত নামিছে বিধায়ক অগ্নিমিত্ৰা পালে। তাত তৃণমূল কংগ্ৰেছৰ প্ৰাৰ্থী এসময়ৰ বলীউড অভিনেতা শত্ৰুঘ্ন সিনহা। একেদৰে কলকাতাৰ বেলীগুঞ্জ বিধানসভা আসনত হ’বলগা উপ-নিৰ্বাচনত বিজেপিৰ মহিলা মৰ্চাৰ নেত্ৰী কেয়া ঘোষে তৃণমূলৰ প্ৰাৰ্থী বাবুল সুপ্ৰিয়োৰ বিৰুদ্ধে ৰণক্ষেত্ৰত নামিছে। ইপিনে, আচাঞ্চোল সমষ্টিত চিপি(এম)ৰ পৰা নামিছে জ্যেষ্ঠ নেতা পাৰ্থ মুখাৰ্জী আৰু বেলীগুঞ্জ বিধানসভাত নামিছে খুবেই চিনাকী মহিলা মুখ ছাইৰা শ্বাহ হালিমে। ৰাজ্যখনৰ উপ নিৰ্বাচন অহা ১২ এপ্ৰিলত।