নিয়মীয়া বাৰ্তা ২১ জুনঃ চীনৰ গোৱাংডং প্রদেশত পুনৰ ক’ভিড–১৯ মহামাৰীৰ সংক্রমণ ঘটাৰ লগে লগে কঠোৰ হৈছে বেইজিং প্রশাসন৷ কালি প্রদেশখনত ছগৰাকী লোক ক’ভিড–১৯ত আক্রান্ত হয়৷ ইয়াৰ লগে লগে দক্ষিণ চীনৰ প্রদেশখনৰ সৈতে অন্য প্রদেশবোৰৰ বিমান সেৱা বাতিল কৰিছে বেইজিং প্রশাসনে৷ আজি ঘোষণা কৰা অনুসৰি মুঠ ৪৬০খন বিমানৰ সেৱা বাতিল কৰা হৈছে৷ ইয়াৰ উপৰি কেইবাখনো চহৰত লকডাউন জাৰি কৰাৰ সিদ্ধান্তও লৈছে চৰকাৰে৷