নিয়মীয়া বাৰ্তা, ৫ অক্টোবৰঃ ক’ৰোনা ভাইৰাছৰ সংক্ৰমণৰ দিশৰ পৰা এদিনৰ সংখ্যাৰে দুমাহ ধৰি শীৰ্ষত অৱস্থান কৰিছে ভাৰতে। যোৱা ৪ আগষ্টত দেশখনত প্ৰথমবাৰৰ বাবে এদিনত বিশ্বৰ ভিতৰত সৰ্বাধিক লোক সংক্ৰমিত হৈছিল ভাৰতত।
৪ আগষ্টৰ পৰা বৰ্তমানলৈ প্ৰতিদিনৰ সংক্ৰমণৰ হাৰেৰে শীৰ্ষতে আছে দেশখন। উল্লেখ্য, মুঠ ক’ৰোনা সংক্ৰমিত দেশৰ শীৰ্ষত আছে আমেৰিকা যুক্তৰাষ্ট্ৰ। দ্বিতীয় স্থানত আছে ভাৰত। কিন্তু আজিৰ তাৰিখত ভাৰতৰে আমেৰিকাৰ মাজত তফাৎ আছে মাত্ৰ ৯ লাখৰ। আৰু হয়তো কেইদিনৰমানৰ ভিতৰতে মুঠ সংক্ৰমিতৰ সংখ্যাৰ দিশৰ পৰাও দেশখন শীৰ্ষত থকা আশংকা আছে।