বিশেষ বাৰ্তা, ২৭ জানুৱাৰী : দেশৰ ৰাজধানী দিল্লীৰ সহোদৰা অঞ্চলত এক বহুমহলীয়া প্রাসাদত সংঘটিত অগ্নিকাণ্ডত ৯মহীয়া এটি শিশুসহ চাৰিজন লোক জীৱন্তে দগ্ধ হয়৷ গুৰুতৰভাৱে আহত হৈছে আন দুজন৷ অগ্ণিনির্বাপক বাহিনীৰ সূত্রই সদৰী কৰা অনুসৰি, কালি সন্ধিয়া এই অগ্ণিকাণ্ড সংঘটিত হয় প্রাসাদটোত৷ তাৎক্ষণিকভাৱে অগ্ণিনির্বাপক বাহিনীয়ে পাঁচখন গাড়ী লৈ ঘটনাস্থলীত উপস্থিত হয়৷ বহু মহলীয়া প্রাসাদটোত একেবাৰে তলৰ মহলাত অগ্ণিকাণ্ডই বিস্তৰ ক্ষতিসাধন কৰা বুলি জানিব পৰা গৈছে৷ এই অগ্ণিকাণ্ডত ৯মহীয়া এটি শিশুৰ লগতে দুগৰাকী মহিলা আৰু ১৭ বছৰীয়া এজন তৰুণ মৃত্যুমুখত পৰে৷ প্রাসাদটোৰ তলৰ মহলত ৰবৰ কটা মেচিন তথা অন্যান্য সৰঞ্জাম ৰখা হৈছিল৷