নিয়মীয়া বাৰ্তা, ২০ আগষ্টঃ পৃথিৱীজুৰি জিমেইল ডাউন। ভাৰতত এই সমস্যাই দেখা দিছে আজি দিনৰ প্ৰায় ১১ বজাত। বিভিন্ন দেশৰ পৰা আহিছে এই খবৰ। জিমেইল ব্যৱহাৰকাৰীয়ে কোনো মেইল পঠিওৱাত সেয়ে পাই আছে জটিলতা। বাৰে বাৰে দেখুৱাই আছে এৰৰ।
গুগলৰ পৰা জনাইছে যে কোম্পানীটোৱে এই সমস্যাৰ অনুসন্ধান চলাই আছে আৰু এই সম্বন্ধে অতি সোনকালে সমাধানৰ পথ বিচাৰি পোৱা যাব।
জিমেইল লগ-ইন বা লগ-আউট কৰাত কোনো সমস্যা হোৱা নাই যদিও মেইল পঠোৱাত হৈ আছে সমস্যা। জানিব পৰা মতে, কোম্পানীটোৱে এই সম্বন্ধে নতুন বিবৃতি জাৰি কৰাৰ সম্ভাৱনা আছে।