নিয়মীয়া বাৰ্তা ২৭ জুলাইঃ এটা ছাগলী আৰক্ষীয়ে জীপত উঠাই লৈ যাঁওতে কোনো লোকে ইয়াৰ ভিডিঅ’ ৰেকৰ্ড কৰি ছছিয়েল মিডিয়াত এৰি দিলে। সেই ভিডিঅ’টোত শিৰোনামা দিছিল আৰক্ষীয়ে বিনা মাস্ক পিন্ধি ঘুৰি থৰা এটা ছাগলী ধৰি লৈ গৈছে। পিছে সেই ঘটনাটো বেলেগ হে আছিল, কিন্তু ইয়াৰ আগতে ভিডিঅ’ টো ভাইৰেল হৈ গৈছিল।
দৰাচলতে উত্তৰ প্ৰদেশৰ কানপুৰত এটা গৰাকীবিহীন ছাগলী আৰক্ষীয়ে লৈ যোৱাটো ছছিয়েল মিডিয়াত মনোৰঞ্জনৰ খোৰাক হৈ পৰিল। কাৰণ ঈদ যি হেতু সমাগত আৰু ছাগলীৰ দাম বহুত হয়। কোনো লোকে গৰাকীবিহীন ভাৱে ঘুৰি ফুৰা ছাগলীটোৰ কথা আৰক্ষীক অৱগত কৰিছিল। সেই বাবে আৰক্ষীয়ে ছাগলীটো জিম্মাত লৈছিল। অৱশেষত ছাগলীটোৰ গৰাকীক বিচাৰি উলিয়াই ছাগলীটো চমজাই দিয়ে। কিন্তু ইয়াৰ আগতেই কোনো লোকে ছাগলীটো আৰক্ষীৰ গাড়ীত উঠাওতে ভিডিঅ’ বনাই ছচিয়েল মিডিয়াত এৰি দিছিল।
দৰাচলতে মাস্ক নিপিন্ধাকৈ ঘূৰি ফুৰা লোকক আৰক্ষীয়ে বহু জৰিমণা বিহিছে। কিন্তু কোনো লোকে বিনা মাস্কত ছাগলী ঘূৰি ফুৰিছে বুলি ছছিয়েল মিডিয়াত ভিডিঅ’ বনাই এৰি দিয়া কাৰ্যই সকলোকে মনোৰঞ্জন দিলে।