বিশেষ বাৰ্তা, ১২ মেঃ বুধবাৰে হৰিদ্বাৰ আদালতৰ দ্বাৰস্থ হৈছে প্রবীণ নাগৰিক এছ আৰ প্রসাদ আৰু তেওঁৰ পত্নী। তেওঁলোকে বিচাৰকক কৈছে পুত্ৰক আমেৰিকাত পঢ়াশুনা কৰাবলৈ পঠিয়াই তেওঁলোকৰ সকলো টকা-পইচা শেষ হৈছে। ২০১৬ চনত তেওঁৰ সন্তানৰ বিবাহ হয়। এতিয়াও তেওঁলোকৰ সন্তান হোৱা নাই। জ্যেষ্ঠ নাগৰিকৰ বক্তব্য যে, এবছৰৰ ভিতৰত যেন তেওঁলোকৰ পুত্ৰ-বোৱাৰীয়ে সন্তান জন্ম দিয়ে। নহ’লে পুত্ৰ আৰু বোৱাৰীয়ে তেওঁলোকক ক্ষতিপূৰণ দিব লাগিব পাঁচ কোটি টকা। নাতি-নাতিনী লাভৰ আশাতে পুত্ৰৰ বিয়া পাতি দিছিল। তেওঁ আৰু জনায় যে, পুত্ৰৰ শিক্ষাৰ বাবে তেওঁলোকে ঋণ ল’বলগীয়া হৈছিল। পুত্ৰই আমেৰিকাযত ট্রেইনিং ল’বলৈ গৈছিল। এতিয়া তেওঁলোকৰ টকা-পইচা সকলো ধাৰ মাৰোতে শেষ হৈছে। তেওঁলোকৰ আর্জি যে এবছৰৰ ভিতৰত যদি পুত্ৰ সন্তান নহয় তেন্তে পুত্ৰই আঢ়ৈ কোটি আৰু বোৱাৰীয়ে আঢ়ৈ কোটি টকা ক্ষতিপূৰণ দিব লাগিব। প্ৰসাদৰ অধিবক্তা এ কে শ্রীবাস্তৱে কৈছে, এই মোকৰ্দমাৰ সৈতে এটা সামাজিক সমস্যা জড়িত। সন্তানে পিতৃ-মাতৃৰ আর্থিক দায়িত্বভাৰ বহন কৰা উচিত।