নিয়মীয়া বাৰ্তা, ২২ জুনঃ আজি পুনৰ এগৰাকী জোৱান নিহত হ’ল জম্মু-কাশ্মীৰৰ ভাৰত-পাক সীমান্তত। ৰাজ্যখনৰ ৰজৌৰী জিলাৰ নাওছেৰা ছেক্টৰত আজি পাকিস্তানী সেনাৰ অপ্ৰৰোচিত গুলীচালনাত প্ৰাণাহুতি দিব লগা হয় ভাৰতীয় আৰ্মীৰ জোৱান দীপক কাৰ্কীয়ে।
জম্মু-কাশ্মীৰৰ প্ৰতিৰক্ষা জনসংযোগ বিষয়া কৰ্ণেল দেৱেন্দৰ আনন্দই কয় যে গুৰুতৰভাৱে আহত কাৰ্কীয়ে চিকিৎসাধীন অৱস্থাত প্ৰাণ ত্যাগ কৰে। তেওঁৰ সাহস আৰু প্ৰাণত্যাগৰ স্মৰণ ৰাষ্ট্ৰই সদায়ে ভক্তিসহকাৰে কৰিব।
উল্লেখ্য, জম্মু-কাশ্মীৰ সীমান্তত পাকেস্তানে বাৰে বাৰে যুদ্ধবিৰতি উলংঘা কৰি আহিছে। এই মাহৰ যোৱা ৪, ১০ জুনত দুগৰাকী আৰু ১৪ জুনত আন এগৰাকী জোৱান এনে অপ্ৰৰোচিত গুলীচালনাত নিহত হৈছিল।