দেশত আক্রান্তৰ বিপৰীতে সুস্থ হৈ উঠিছে ডেৰগুণ পজিটিভ ৰোগী

নিয়মীয়া বাৰ্তা ১৯ মেঃ দেশত ক্রমাৎ হ্রাস পাইছে ক’ভিড–১৯ত আক্রান্তৰ সংখ্যা, বর্ধিত হৈছে মৃতকৰ সংখ্যা৷ তেনেদৰে আক্রান্তৰ বিপৰীতে সুস্থ হোৱা লোকৰ সংখ্যা দিনে দিনে বৃদ্ধি পাইছে৷ যোৱা ২৪ ঘণ্টাত আক্রান্তৰ সংখ্যা ২.৬৩ লক্ষাধিক হোৱাৰ বিপৰীতে মৃত্যু ঘটিছে ৪,৩২৯জনৰ৷ বিগত কেইবাদিন ধৰি ধাৰাবাহিকভাৱে ৪ সহস্রাধিক লোকে প্রাণ হেৰুৱাই থকাৰ পিছত যোৱা ২৪ ঘণ্টাত এদিনত সর্বাধিক আক্রান্তৰে নতুন অভিলেখ সৃষ্টি হ’ল৷ যোৱা ২৪ ঘণ্টাত দেশত প্রাণহানি হৈছে ৪,৩২৯জনৰ৷ ইয়াকে লৈ দেশজুৰি মৃতকৰ সংখ্যা ২,৭৮,৭১৯জনলৈ বৃদ্ধি পালে৷ ইপিনে, যোৱা ২৪ ঘণ্টাত ২,৬৩,৫৩৩জন লোক আক্রান্ত হোৱাত দেশজুৰি আক্রান্তৰ সংখ্যা ২,৫২,২৮,৯৯৬জনলৈ বৃদ্ধি পাইছে৷ অর্থাৎ দেশত আক্রান্তৰ সংখ্যাই আঢ়ৈ কোটি অতিক্রম কৰিলে৷

ইপিনে, যোৱা ২৪ ঘণ্টাত আক্রান্তৰ বিপৰীতে সুস্থ হৈ উঠা লোকৰ সংখ্যা প্রায় ডেৰ গুণ৷ যোৱা ২৪ ঘণ্টাত দেশজুৰি সুস্থ হৈ উঠিছে ৪,২২,৪৯৩জন৷ প্রথমবাৰলৈ দেশত এদিনত চাৰি লক্ষাধিক লোক সুস্থ হৈছে৷ ইয়াকে লৈ দেশজুৰি সুস্থ হোৱা লোকৰ সংখ্যা ২,১৫,৯৬,৫১২জনলৈ বৃদ্ধি পাইছে৷ কেন্দ্রীয় স্বাস্থ্য মন্ত্রালয়ে প্রকাশ কৰা এই তথ্যত বর্তমান দেশত চিকিৎসাধীন হৈ থকা ক’ভিড ৰোগীৰ সংখ্যা ৩৩,৫৩,৭৬৫জন৷ উল্লেখ্য যে দেওবাৰেও আক্রান্তৰ বিপৰীতে সুস্থ হোৱা লোকৰ সংখ্যা অধিক আছিল৷ ইপিনে, কেন্দ্রীয় স্বাস্থ্য মন্ত্রালয়ে প্রকাশ কৰা তথ্য অনুসৰি দেশৰ মুঠ জনসংখ্যাৰ ১.৮ শতাংশ লোক এতিয়ালৈকে ঘাতক ক’ভিড–১৯ত আক্রান্ত হৈছে৷ অর্থাৎ এতিয়াও ২ শতাংশ লোকে আক্রান্ত হোৱা নাই৷ এনে পৰিপ্রেক্ষিতত মুঠ জনসংখ্যাৰ ৯৮ শতাংশ লোক এতিয়াও বিপজ্জনক পৰিস্থিতিতে আছে৷ এই লোকসকলে ক’ভিড–১৯ক লৈ অধিক সজাগ আৰু সতর্ক হ’ব লাগিব বুলিও স্বাস্থ্য মন্ত্রালয়ে প্রকাশ কৰিছে৷ দেশজুৰি সুস্থৰ হাৰ ৮৫.৬০ শতাংশৰ বিপৰীতে মৃতকৰ হাৰ ১.১০ শতাংশ৷

মন কৰিবলগীয়া যে দেশজুৰি চলি থকা ক’ভিড–১৯ টিকাকৰণ অভিযানত কাইলৈকে ১৮ কোটিৰ অধিক লোকক ক’ভিড–১৯ ভেকচিন প্রদান কৰা হৈছে৷ ইপিনে, ক’ভিড–১৯ত আক্রান্ত হৈ ভাৰতীয় চিকিৎসা সংস্থাৰ (আই এম এ) প্রাক্তন মুৰব্বী তথা প্রসিদ্ধ চিকিৎসক ডাঃ কে কে আগৰৱালাৰ দিল্লী এইম্ছত মৃত্যু ঘটিছে৷ ৬২ বছৰীয়া পদ্মশ্রী সন্মান বিজয়ী ডাঃ আগৰৱাল বিগত কেইবাদিন ধৰি এইম্ছত ভেণ্টিলেটৰৰ সমর্থনত থকাৰ পিছত যোৱানিশা মৃত্যু ঘটে৷ তাৎপর্যপূর্ণ যে চিকিৎসক আগৰৱালে ভেকচিনৰ দুটা ড’জেই লৈছিল৷ প্রবীণ বিজেপি নেতা তথা প্রাক্তন কেন্দ্রীয় মন্ত্রী চমনলাল গুপ্তাৰ গান্ধীনগৰৰ বাসগৃহত ক’ভিড–১৯ত আক্রান্ত হৈ মৃত্যু ঘটিছে৷

যোৱা ৫ মে’ত ক’ভিড–১৯ত আক্রান্ত হোৱা প্রাক্তন কেন্দ্রীয় মন্ত্রীগৰাকীক নাৰায়ণা হাস্পতালত ভর্তি কৰোৱা হৈছিল আৰু ইয়াতে নিগেটিভ হৈ ঘৰলৈ উভতি যোৱাৰ পিছত ক’ভিডোত্তৰ সমস্যাত মৃত্যু ঘটে৷ আনপিনে, প্রখ্যাত তামিল লেখক–ঔপন্যাসিক কে ৰাজানাৰায়ণৰ পুডুচেৰীত ক’ভিডত আক্রান্ত হৈ মৃত্যু ঘটিছে৷ সাহিত্য অকাডেমি বঁটা বিজয়ী কে ৰাজানাৰায়ণন বার্ধক্যজনিত ৰোগৰ লগতে ক’ভিডত আক্রান্ত হোৱাৰ ফলত ৯৮ বছৰ বয়সত সোমবাৰে নিশা শেষ নিশ্বাস ত্যাগ কৰে৷ ইপিনে, ভাৰতত প্রথমে চিনাক্ত দুটা ক’ৰোনা ভাইৰাছৰ প্রকৰণৰ বিৰুদ্ধে অধিক ফলপ্রসূ ফাইজাৰ আৰু মডার্নাৰ ক’ভিড ভেকচিন৷ আমেৰিকা যুক্তৰাষ্ট্রৰ বিজ্ঞানীৰ দ্বাৰা চলোৱা নতুন গৱেষণাত ভাৰতত প্রথমে চিনাক্ত হোৱা দুটা ক’ৰোনা ভাইৰাছৰ প্রকৰণক প্রতিৰোধ কৰাৰ ক্ষেত্রত ফাইজাৰ আৰু মডার্নাৰ ভেকচিন অধিক ফলপ্রসূ বুলি তথ্য প্রকাশ