নিয়মীয়া বাৰ্তা ১৭ অক্টোবৰঃ সীমান্তত ভাৰত-চীনৰ উত্তেজনাৰ মাজতেই ভাৰতীয় বায়ুসেনাৰ বাবে সুখবৰ। কিয়নো শীঘ্ৰে তিনিখন ৰাফেল জেট লাভ কৰিব ভাৰতে। ৰাষ্ট্ৰীয় সংবাদ মাধ্যমত প্ৰকাশ পোৱা খবৰ অনুসৰি, নৱেম্বৰৰ প্রথম সপ্তাহতেই ফ্রান্সৰ পৰা হাৰিয়ানাৰ আম্বালা এয়াৰবেছত উপস্থিত হ’ব এই ৩ খন ৰাফেল।
২০১৬ চনৰ চুক্তিৰ নিৰখত ৫৯ হাজাৰ কোটি টকাৰ বিনিময়ত মুঠ ৩৬ খন ৰাফেল লাভ কৰিব ভাৰতে। উল্লেখ্য যে ইয়াৰে ৫ খন ছেপ্টেম্বৰত লাভ কৰিলে ভাৰতে। এতিয়া ৩ খন পাব, অর্থাৎ অচিৰেই ৮ খন ৰাফেল জেটৰে সবল হৈ পৰিব ভাৰতীয় বায়ুসেনা।