এইকেইদিনত বাৰাণসী আৰক্ষীৰ অতিৰিক্ত আয়ুক্ত সুভাষ ডুবেৰ এটি ভিডিঅ’ ছচিয়েল মিডিয়াত ভাইৰেল হৈছে। এই ভিডিঅ’ত তেওঁ ৰাস্তাৰ কাষত ঠেলাত বাদাম বিক্ৰী কৰা যুৱক এজনৰ কাষলৈ হঠাৎ গৈ ঠিয় দিয়ে আৰু ২০ টকাৰ বাদাম বিচাৰে। ভিডিঅ’ত দোকানীজনৰ মুখৰ অভিব্যক্তি চাই সকলোৱে হাঁহিৰ খোৰাক পায়।
— Subhash Dubey IPS (@dubey_ips) January 29, 2022
দৰাচলতে,আৰক্ষী বিষয়াগৰাকীয়ে দোকানৰ চালান কাটিবলৈ যোৱা বুলি খুব ভয় খাইছিল যুৱকজনে। যুৱকজনে মাস্কো পিন্ধি থকা নাছিল। আইপিএছ বিষয়াগৰাকীয়ে ২০টকাৰ বাদাম দিবলৈ কোৱাত দোকানীজনে সোধে- আপুনি চালান কাটিবনে? আৰক্ষী বিষয়াগৰাকীয়ে চালান নহয়, বাদাম খাবলৈ অহা বুলি কোৱাৰ পাছত যুৱকজনৰ মুখত হাঁহি বিৰিঙি উঠে।