নিয়মীয়া বাৰ্তা ২৫ জুনঃ দেশৰ প্রাক্তন প্রধানমন্ত্রী ইন্দিৰা গান্ধীৰ বায়’পিক নির্মাণ হ’ব৷ ইন্দিৰাৰ চৰিত্রত অভিনয় কৰিব বলীউডৰ অভিনেত্রী কংগনা ৰাণাৱাটে৷ এই খবৰ পূর্বৰে পৰা চলি আহিছে৷ এইবাৰ এই খবৰত ছীল–মোহৰ মাৰিছে বলীউডৰ কণ্ড্র’ভার্চি কুইন ৰাণাৱাটে৷ অকল অভিনয় কৰাই নহয়, ছবিখনৰ পৰিচালনাৰ দায়িত্বও লৈছে অভিনেত্রীগৰাকীয়ে৷ ছবিৰ নাম ‘ইমাৰজেঞ্চী’৷ ‘মণিকর্ণিকা’ ছবিৰ পিছত প্রথমবাৰলৈ পৰিচালিকাৰ দায়িত্বত দেখিবলৈ পোৱা যাব কংগনাক৷ বছৰটোৰ আৰম্ভণিতে কংগনাই উল্লেখ কৰিছিল যে পৰিচালক ছাই কবীৰৰ সৈতে লগ হৈ তেওঁ ইন্দিৰা গান্ধীৰ ওপৰত বায়’পিক নির্মাণ কৰিব৷ কিন্তু ছাই কবীৰে অজ্ঞাত কাৰণত পৰিচালকৰ দায়িত্বৰ পৰা আঁতৰি গৈছে৷ গতিকে ছবিখনৰ পৰিচালিকাৰ দায়িত্ব নিজেই ল’বলগীয়া হৈছে কংগনা ৰাণাৱাটে৷ অৱশ্যে ইন্দিৰা গান্ধীৰ দৰে ব্যক্তিত্বক চলচ্চিত্রৰ পর্দাত তুলি ধৰাটো প্রত্যাহ্বান হ’ব বুলি ঘোষণা কৰিছে ৰাণাৱাটে৷