নিয়মীয়া বাৰ্তা ২৮ এপ্রিলঃ মার্কিন ৰাষ্ট্রপতি ড’নাল্ড ট্রাম্পে পুনৰ ঘোষণা কৰিছে যে উত্তৰ কোৰিয়াৰ শীর্ষ নেতা কিম জং–উন জীৱিত অৱস্থাত আছে৷ আনকি কিমলৈ শুভেচ্ছাও জ্ঞাপন কৰিছে ট্রাম্পে৷ কিন্তু শীর্ষ নেতাগৰাকী ক’ত আছে সেই কথা কোনেও নাজানে বুলি আজি সাংবাদিকৰ আগত মন্তব্য কৰিছে ট্রাম্পে৷ আনকি ট্রাম্পে এই কথাও উল্লেখ কৰিছে যে কিম জং–উন সন্দর্ভত তেওঁৰ এক ভাল ধাৰণা আছে৷ কিন্তু বর্তমান নেতাগৰাকী ক’ত আছে সেই কথা তেওঁ ক’ব নোৱাৰে৷ স্মর্তব্য যে দুবাৰকৈ কিমৰ সৈতে মুখামুখি আলোচনাত মিলিত হৈছিল আমেৰিকাৰ ৰাষ্ট্রপতি ড’নাল্ড ট্রাম্প।