নিয়মীয়া বাৰ্তা, ২৫ মাৰ্চঃ জম্মু-কাশ্মীৰৰ শ্ৰীনগৰৰ লৱেপোৰা অঞ্চলত আজি চি আৰ পি এফ জোৱানৰ ওপৰত সন্ত্ৰাসবাদীৰ আক্ৰমণত দুগৰাকী জোৱান শ্বহীদ হোৱাৰ লগতে আন দুগৰাকী আহত হয়।
লৱেপোৰা অঞ্চলত আজি দুপৰীয়া খাপপিটি থকা সন্ত্ৰাসবাদীয়ে চি আৰ পি এফৰ ৭৩নং বেটেলিয়নৰ গাড়ীলৈ লক্ষ্য কৰি অতৰ্কিতে গুলীচালনা কৰে। গুলীচালনাৰ ফলত থিতাতে নিহত হয় চি আৰ পি এফ জোৱান দুগৰাকী।
এই আক্ৰমণ লস্কৰ-ই-তৈবাৰ দ্বাৰা কৰা বুলি প্ৰাথমিক তদন্তত উল্লেখ কৰা হৈছে। উল্লেখ্য, জম্মু-কাশ্মীৰৰত সন্ত্ৰাসবাদীৰ আক্ৰমণ বিগত দিনবোৰত উদ্বেগজনকভাৱে বৃদ্ধি হোৱা দেখা গৈছে।