নিয়মীয়া বাৰ্তা, ২৫ফেব্ৰুৱাৰী: ছত্তীশগড়ৰ সুকমা জিলাত নক্সালবাদীৰ বৃহৎ আক্ৰমণত ৩ জন ডি আৰ জি জোৱান শ্বহীদ হোৱাৰ বিপৰীতে ২ জন জোৱান বেয়াকৈ আহত হৈছে। আহতসকলক সুকমা জিলা চিকিৎসালয়লৈ লৈ যোৱা হৈছে। শনিবাৰে পুৱা টহলদাৰী জোৱানৰ আগমনৰ তথ্য লাভ কৰি নক্সালবাদীয়ে সুকমা জিলাৰ নক্সাল প্ৰভাৱিত অঞ্চল জাগৰগুণ্ডা আৰু কুণ্ডেদৰ মাজত এম্বুছ কৰিছিল। নক্সালবাদীৰ এম্বুছত আবদ্ধ হৈ পৰাৰ লগে লগে জোৱানকেইজনৰ ওপৰত গুলীচালনা কৰে।
জোৱানকেইজনেও প্ৰত্যত্বৰ দিয়ে। কিন্তু ইয়াৰ মাজতে নক্সালবাদীৰ সৈতে যুঁজি থকাৰ সময়তে ৩ জন ডি আৰ জি জোৱান শ্বহীদ হয়। একে সময়তে এই আক্ৰমণত ২ জন জোৱানো আহত হৈছে, যাক চিকিৎসালয়লৈ লৈ যোৱা হৈছে।