নিয়মীয়া বাৰ্তা ২৫ মেঃ আমেৰিকাৰ বিশিষ্ট সংক্রামক ৰোগ বিশেষজ্ঞ ডাঃ এণ্টনী ফাউচিয়ে শেহতীয়াকৈ মন্তব্য কৰিছে যে ক’ভিড–১৯ ভাইৰাছ প্রাকৃতিকভাৱে উৎপন্ন হোৱা নাছিল৷ বিশ্বজুৰি কোটি কোটি লোক ক’ভিড মহামাৰীত আক্রান্ত হৈছে৷ এনে এবিধ মাৰাত্মক ভাইৰাছ প্রাকৃতিকভাৱে উদ্ভৱ হোৱাটো কেতিয়াও বিশ্বাসযোগ্য নহয় বুলি ঘোষণা কৰিছে আমেৰিকাৰ নেচনেল ইনষ্টিটিউট অৱ এলার্জীছ এণ্ড ইনফেকছাছ ডিজিজ (এনআইএআইডি)ৰ সঞ্চালকগৰাকীয়ে৷ গতিকে এইক্ষেত্রত এক মুকলি তদন্ত হোৱা উচিত বুলি দাবী কৰিছে ফাউচিয়ে৷ মুকলি তদন্ত হ’লে মাৰাত্মক ভাইৰাছবিধৰ উদ্ভৱৰ মূল কাৰণ পোহৰলৈ আহিব বুলি ঘোষণা কৰিছে বিশিষ্ট চিকিৎসকগৰাকীয়ে৷ শেহতীয়াকৈ ‘ইউনাইটেড ফেক্টছ অৱ আমেৰিকা’ শীর্ষক এক কার্যসূচীত অংশগ্রহণ কৰি এই মন্তব্য কৰিছে ফাউচিয়ে৷ স্মর্তব্য যে আমেৰিকাই পূর্বৰে পৰা চীনৰ য়ুহানৰ গৱেষণাগাৰত ক’ভিড–১৯ ভাইৰাছ প্রস্তুত কৰা হৈছিল বুলি দাবী কৰি আহিছে৷