বিশেষ বাৰ্তা, ২ মেঃ কংগ্রেছ নেতা ৰাহুল গান্ধীৰ প্রৱেশ নিষিদ্ধ কৰিলে ওচমানিয়া বিশ্ববিদ্যালয়ে। কর্তৃপক্ষৰ তৰফৰ পৰা জনোৱা হৈছে যে শিক্ষানুষ্ঠানখনৰ চৌহদত কোনো ধৰণৰ ৰাজনৈতিক কার্যকলাপৰ অনুমতি দিয়া নহয়। অহা ৬ আৰু ৭ মে’ত তেলেংগানা ভ্ৰমণলৈ যাব ৰাহুল গান্ধী। এই ঘটনাৰ তেলেংগানা চৰকাৰকে দায়ী কৰিছে কংগ্রেছে। কংগ্ৰেছৰ তৰফৰ পৰা জনোৱা হৈছে যে যিকোনো ধৰণে হ’লেও শিক্ষাৰ্থীসকলৰ সৈতে ৰাহুল গান্ধীয়ে দেখা কৰিব। জনা মতে, ৰাহুল গান্ধীৰ তেলেংগানা ভ্ৰমণত প্রায় পাঁচ লাখ সমর্থকক লৈ বিশাল ৰেলীৰ আয়োজন কৰা হৈছে। কিন্তু ৰাহুল গান্ধীক অনুমতি নিদিয়া সন্দৰ্ভত এতিয়ালৈ অনুষ্ঠানৰ আয়োজকক একো জনোৱা নাই বিশ্ববিদ্যালয় কর্তৃপক্ষই।