নিয়মীয়া বাৰ্তা ৩০ জুলাইঃ কর্ণাটকৰ সপ্তম শ্রেণীৰ পাঠ্যপুথিৰ পৰা ১৮ শতিকাৰ মহীশূৰৰ শাসক টিপু চুলতান আৰু তেওঁৰ পিতৃ হাইদৰ আলীৰ অধ্যায়টো আঁতৰ কৰা হৈছে৷ ক’ভিড–১৯ মহামাৰীৰ বাবে ২০২০–২১ শৈক্ষিক বর্ষত পাঠ্যক্রম হ্রাস কৰাৰ সিদ্ধান্ত মর্মে চৰকাৰখনে টিপু চুলতানৰ অধ্যায়টো সপ্তম শ্রেণীৰ পৰা আঁতৰ কৰে৷ অৱশ্যে ষষ্ঠ শ্রেণী আৰু দশম শ্রেণীৰ পাঠ্যপুথিত এই টিপু চুলতানৰ অধ্যায়টো এতিয়াও আঁতৰ কৰাৰ সিদ্ধান্ত লোৱা নাই৷ কর্ণাটকৰ পাঠ্যপুথি ছ’চাইটী (কেটিবিএছ)–এ সপ্তম শ্রেণীৰ সমাজ বিজ্ঞানৰ পৰা এই অধ্যায়টো প্রত্যাহাৰ কৰা বুলি প্রকাশ কৰিছে৷