নিয়মীয়া বাৰ্তা, ২৮ ছেপ্টেম্বৰঃ দিল্লী, হাৰিয়ানা, উত্তৰ প্ৰদেশ, পঞ্জাবকে ধৰি দেশৰ ভিন্ন প্ৰান্তত দেখা গৈছে কৃষক বিদ্ৰোহ। আজি পুৱাৰ ভাগতো দিল্লীৰ ৰাজপথত কংগ্ৰেছ কৰ্মীয়ে কৰা বিক্ষোভৰ সময়ত ইণ্ডিয়া গেটৰ সমীপত এখন ট্ৰেক্টৰ জ্বলাই দিয়ে।
কৃষি বিলৰ বিৰোধিতাৰে ইণ্ডিয়া গেটৰ ওচৰত আজি কংগ্ৰেছ কৰ্মীসকলে এখন ট্ৰেক্টৰেৰে আহি বিক্ষোভ, শ্লোগান দিয়াৰ শেষত উক্ত ট্ৰেক্টৰত জুই জ্বলাই দিয়ে। দিল্লীৰ ৰাজপথত দাউদাউকৈ জ্বলি উঠে ট্ৰেক্টৰখন। অৱশ্যে অনতিপলমে আৰক্ষী তথা অগ্নিনিৰ্বাপক বাহিনী ঘটনাস্থলীত আহি অগ্নি নিৰ্বাপন কৰে আৰু চি চি টিভিৰ ফুটেজৰ ভিত্তিত আৰক্ষীয়ে তদন্ত আৰম্ভ কৰে।
উল্লেখ্য অলপতে গ্ৰাহ্য কৰা কৃষি বিলক লৈ দেশত কৃষকৰ মাজত সৃষ্টি হৈছে প্ৰবল বিক্ষোভ।