নিয়মীয়া বাৰ্তা, ২৫ জুলাইঃ জম্মু–কাশ্মীৰৰ বন্দিপৰা জিলাৰ শোকবাবা বনাঞ্চলত নিৰাপত্তা বাহিনী আৰু সন্ত্রাসবাদীৰ গোটৰ মাজত হোৱা সংঘর্ষত দুটা সন্ত্রাসবাদী নিহত হৈছে৷ দুয়োপক্ষৰ মাজত হোৱা গুলীয়াগুলীৰ ফলত তিনিজন জোৱান আহত হৈছে৷
ঘটনাৰ বিৱৰণী মতে, গোপন সূত্রৰ পম খেদি সেনা–চিআৰপিএফ আৰু স্থানীয় আৰক্ষীৰ যুটীয়া অভিযানকাৰী দলে দক্ষিণ কাশ্মীৰৰ বন্দিপৰা জিলাৰ শোকবাবা বনাঞ্চলত আত্মগোপন কৰি থকা সন্ত্রাসবাদী গোটৰ বিৰুদ্ধে অভিযান চলায়৷ অভিযানকাৰী দলৰ উপস্থিতিৰ সম্ভেদ পোৱাৰ পিছতেই সন্ত্রাসবাদীৰ গোটটোৱে জধেমধে গুলীয়াবলৈ আৰম্ভ কৰে৷
প্রত্যুত্তৰত অভিযানকাৰী দলটোৱে গুলীচালনা কৰাত দুই সন্ত্রাসবাদী নিহত হয় আৰু সন্ত্রাসবাদীৰ গুলীত তিনিজন জোৱান আহত হৈছে৷ বাতৰি যুগুতোৱাৰ পৰলৈকে সন্ত্রাসবাদীকেইটা চিনাক্ত হোৱা নাই যদিও পাকিস্তানৰ বুলি সন্দেহ কৰিছে৷