বিশেষ বাৰ্তা, ৮ এপ্ৰিলঃ সংবাদ শিৰোণামত তামিলনাডুৰ এখন বিয়া। মূল্যবৃদ্ধিৰ এই বতৰত কি দিয়া যায় উপহাৰ? তাৰেই চিন্তা কৰি পাৰ পোৱা নাছিল দৰাৰ কেইজনমান বন্ধু। অৱশেষত দুবটল পেট্র’ল, ডিজেল উপহাৰ হিচাপে লৈ বিয়া খাবলৈ আহিল যুৱককেইজন। যিভাৱে প্ৰতিদিনে বাঢ়িছে তেলৰ দাম, সেয়ে বন্ধু দম্পতিৰ উন্নতি কামনাৰ্থে ইয়াতকৈ ভাল উপহাৰ আৰু কি হ’ব পাৰে! বিয়াখন তামিলনাডুৰ চেনগালপাট্টু জিলাৰ চেয়ুৰ গাঁৱৰ। এনে উপহাৰ নৱবিবাহিত দৰা-কইনাৰ হাতত দিয়াৰ পাছতে আৰম্ভ হ’ল ফটোছেচন। মুহূর্ততে ভাইৰেল নৱদম্পতিক বটল ভৰা তেল উপহাৰ দিয়া ফটো। বিয়াৰ সাধাৰণ উপহাৰতকৈ বেলেগ এই উপহাৰ পাই হতচকিত নৱবিবাহিত দম্পতি। মর্ম বুজি হাঁহিমুখেই প’জ দিছে তেওঁলোকেও।