বিশেষ বাৰ্তা, ১ এপ্ৰিলঃ আকৌ ৰুছ ৰাষ্ট্ৰপতি ভ্লাডিমিৰ পুটিনৰ বিৰুদ্ধে বিস্ফোৰক অভিযোগ আনিছে মাৰ্কিন ৰাষ্ট্ৰপতি জো বাইডেনে। তেওঁ কৈছে যে, পুটিনে তেওঁৰ কেবাজনো উপদেষ্টাক বৰ্খাস্ত কৰিছে বা গৃহবন্দী কৰি ৰাখিছে। আনকি পুটিনে নিজেও কোনো গোপন ঠাইলৈ গুচি যাব পাৰে। ইউক্রেইনৰ কেবাটাও অঞ্চলৰ পৰা ৰাছিয়াই সেনা প্ৰত্যাহাৰৰ কথা যে ঘোষণা কৰিছে তাকে লৈও ঘোৰ সন্দেহ আছে বুলি কৈছে বাইডেনে। কিয়নো আক্ৰমণ চলিয়ে আছে এঠাইৰ পাছত আন এঠাইত। শেষত বাইডেনে কয় যে- মই অলপ সন্দেহপ্রবণ। ৰাছিয়াই ইউক্রেইনৰ পৰা সঁচাকৈয়ে সেনা কমাইছেনে নাই সেয়া মোৰ বাবে এটা ডাঙৰ প্রশ্ন।