নিয়মীয়া বাৰ্তা, ১৩ জানুৱাৰীঃ নেচনেল ক্রাইম ৰেকর্ড ব্যুৰ’ৱে প্রকাশ কৰা শেহতীয়া প্রতিবেদন মতে ২০১৮ চনত ভাৰতত প্রতিদিনে ১০৯টি শিশু যৌন নির্যাতনৰ বলি হৈছিল৷
পূর্বৰ বর্ষৰ তুলনাত সেয়া আছিল ২২ শতাংশ অধিক৷ এন চি বি আৰৰ তথ্য মতে ২০১৭ চনত এনে গোচৰ ৩২,৬০৮টা হোৱাৰ বিপৰীতে ২০১৮ চনত ‘পকছো’ৰ অধীনত ৰুজু হোৱা গোচৰ হ’ল ৩৯,৮২৭টা৷
২০১৮ চনত ২১,৬০৫টি শিশু ধর্ষণৰ বলি হৈছিল৷ ইয়াৰ ভিতৰত ২১,৪০১টি কন্যা শিশু আৰু ২০৪টা ল’ৰা৷
ৰাজ্যৰ ভিতৰত মহাৰাষ্ট্রত এনে ঘটনা ২,৮৩২টা, উত্তৰ প্রদেশ ২,০২৩টা আৰু তামিলনাডুত ১,৪৫৭টা সংঘটিত হৈছিল৷