নিয়মীয়া বাৰ্তা, ৩ অক্টোবৰঃ ভাৰতীয় বায়ুসেনাৰ শ্বিলঙত থকা ইষ্টার্ন কমাণ্ডৰ মুৰব্বী হিচাপে পহিলা অক্টোবৰত কার্যভাৰ গ্রহণ কৰে এয়াৰ মার্শ্বেল অমিত দেৱে৷ এক চমু অনুষ্ঠানত তেওঁ বিদায়ী এয়াৰ মার্শ্বেল আৰ ডি মাথুৰৰ পৰা কার্যভাৰ গ্রহণ কৰে৷ ১৯৮২ চনৰ ২৯ ডিচেম্বৰত ভাৰতীয় বায়ুসেনাত এজন যুঁজাৰু পাইলট হিচাপে কর্মজীৱন আৰম্ভ কৰা অমিত দেৱে বিগত প্রায় ৩৮ বছৰত দেশৰ বিভিন্ন প্রান্তত সুখ্যাতিৰে সেৱা আগবঢ়াইছিল৷ তেওঁক ২০১০ চনত বিশিষ্ট সেৱা মেডেল আৰু ২০১৯ চনত অতি বিশিষ্ট সেৱা মেডেলেৰে সন্মানিত কৰা হৈছিল৷