নিয়মীয়া বাৰ্তা, ৩১ অক্টোবৰ: ৰ’লাৰ স্কেটিং ফেডাৰেচন অৱ ইণ্ডিয়াৰ উদ্যোগত দুদিনীয়া কাৰ্যসূচীৰে গুৱাহাটীত অনুষ্ঠিত হোৱা 5th All Assam Skating Championship 2022 ত তিনিটাকৈ সোণৰ পদক লাভ কৰিবলৈ সক্ষম হৈছে দুলীয়াজানৰ কণমানি ছাত্ৰ সমন্বয় শইকীয়াই । দুলীয়াজান টিপলিংস্থিত সাহিত্যৰথী জাতীয় বিদ্যালয়ৰ তৃতীয় শ্ৰেণীৰ ছাত্ৰ সমন্বয় শইকীয়াৰ এই সফলতাই বিদ্যালয়ৰ লগতে অঞ্চলটোলৈ সুনাম কঢ়িয়াই আনিছে। যোৱা এবছৰ ধৰি সমন্বয় শইকীয়াই দুলীয়াজান ডিষ্ট্ৰিক্ট ৰ’ল বল এচ’ছিয়েচনৰ প্ৰশিক্ষক সঞ্জু দাস আৰু শাৰীৰিক প্ৰশিক্ষক জয়ন্ত চুতীয়াৰ অধীনত প্ৰশিক্ষণ গ্ৰহণ কৰি আছে। দুলীয়াজানৰ ২নং ৰঙাগড়া গাঁৱৰ নিবাসী সুশান্ত শইকীয়া আৰু সংগীতা শইকীয়াৰ পুত্ৰ সমন্বয় শইকীয়াই ইতিমধ্যে ২০২১ চনত দশম সংখ্যক সদৌ অসম স্পীড স্কেটিং চেম্পিয়নশ্বিপ আৰু সদৌ অসম অপেন স্পীড চেম্পিয়নশ্বিপত সোণৰ আৰু ৰূপৰ পদক পাবলৈ সক্ষম হৈছে ।
প্ৰতিবেদকঃ কৃষ্ণা গগৈ