নিয়মীয়া বাৰ্তা, ২০ ফেব্ৰুৱাৰীঃ আজিৰে পৰা শিৱসাগৰৰ শিৱদৌলত অনুষ্ঠিত হৈছে মহা শিৱৰাত্ৰি আৰু আন্তঃৰাষ্ট্ৰীয় শিৱ মহোৎসৱ। চাৰিদিনীয়া কাৰ্যসূচীৰে অনুষ্ঠিত হ’ৱলগীয়া এই অনুষ্ঠানৰ বাবে সজাই-পৰাই তোলা হৈছে ঐতিহাসিক শিৱদৌল। আনহাতে আজি এই অনুষ্ঠানৰ শুভাৰম্ভ কৰে ৰাজ্যপাল জগদীশ মুখীয়ে। এই অনুষ্ঠানৰ প্ৰতি লক্ষ্য ৰাখি শিৱদৌলৰ চৌহদত আয়োজন কৰা হৈছে মেলাৰ লগতে সাংস্কৃতিক অনুষ্ঠান। শিৱসাগৰ প্ৰশাসনে ইতিমধ্যে কটকটীয়া নিৰাপত্তা বেষ্টনী গঢ়ি তুলিছে।