নিয়মীয়া বাৰ্তা, ২৫অক্টোবৰঃ নগাঁও আৰক্ষীৰ গুলীত আজি নিশা নগাঁও জিলাৰ বৰঘাটত মনিপুৰৰ এজন দুধৰ্ষ ড্ৰাগছ মাফিয়া আহত হয়।গুলীবিদ্ধ ড্ৰাগছ মাফিয়াটোৰ নাম আৰ কে হপিংচন (৪১)।
জানিব পৰামতে অতিৰিক্ত আৰক্ষী অধীক্ষক ধ্ৰুৱ বৰাৰ নেতৃত্বত আৰক্ষীৰ দলে কালি ননৈ আৰক্ষী থানাৰ সন্মুখত যানবাহনত নিয়মীয়া তালাচী অভিযান চলাইছিল। অভিযানৰ সময়ত ড্ৰাগছ মাফিয়াজন অহা এখন এলট্ৰ গাড়ীত আৰক্ষীয়ে তালাচী চলাইছিল।তালাচীৰ সময়ত এলট্ৰখনৰ পৰা ৩০৩ গ্ৰাম ওজনৰ ২০ বাকচ হিৰইন জব্দ কৰিবলৈ সক্ষম হয়।এই হিৰইনখিনি ডিমাপুৰৰ পৰা নগাঁৱলৈ আনিছিল। হিৰইনখিনিৰ মূল্য ২ কোটি হব বুলি আৰক্ষী সূত্ৰে প্ৰকাশ।লোকজন ধিং আৰক্ষী থানাত ৰুজু হোৱা ৫০৫/২০২০ নম্বৰৰ এটা ড্ৰাগছ সৰবৰাহৰ গোচৰৰ মূল অভিযুক্ত।
তদুপৰি লোকজন উত্তৰ পূৰ্বাঞ্চলৰ বৃহৎ ড্ৰাগছ মাফিয়া চক্ৰৰ অন্যতম বুলি আৰক্ষী সূত্ৰে প্ৰকাশ।এই ড্ৰাগছ মাফিয়াজনে ডিমাপুৰৰ পৰা অসমলৈ ড্ৰাগছ সৰবৰাহ কৰে। আজি ধৃত আৰ কে হপিংচনক লগতলৈ আৰক্ষীয়ে নগাঁও চহৰৰ নাতিদূৰৰ বৰঘাট বাইপাচত অভিযান চলাইছিল।সেই সময়তে ড্ৰাগছ মাফিয়াজনে এজন আৰক্ষী কনিষ্টবলক আঘাত কৰি পলাবলৈ চেষ্টা কৰে।তেতিয়াই আৰক্ষীয়ছ ড্ৰাগছ মাফিয়াজনক আৰক্ষীয়ে গুলীবিদ্ধ কৰে। আৰক্ষীৰ গুলীত গুৰুতৰ ভাবে আহত লোকজন নগাঁও ভোগেশ্বৰী ফুকননী অসামৰিক চিকিৎসালয়ত কটকটীয়া নিৰাপত্তাৰ।মাজত চিকিৎসাধীন হৈ আছে।