নিয়মীয়া বাৰ্তা, ১৭ এপ্ৰিলঃ ৰাজ্যজুৰি চলি আছে দ্বিতীয় পৰ্যায়ৰ লকডাউন । ইয়াৰ মাজতে দুদিন পূৰ্বে সমগ্ৰ ৰাজ্যকে চুই গৈছিল এজাক বিধ্বংসী ধুমুহাই। এই ধুমহাৰ অন্তত বান্দৰৰ জাক এটাই দুস্প্ৰাপ্য হুদু এটাক আঘাত কৰি গছৰ পৰা তলত পেলাই। আজি দুদিন ধৰি হুদুটো জীৱিত অৱস্থাত পশ্চিম ৰজাদুৱাৰ নিৱাসী বিশ্বজিৎ দাস ঘৰৰ কাষত পৰিত্যক্ত অৱস্থাত আছে।
ইপিনে আবেলি বন বিভাগক খবৰ দিয়া হৈছে যদিও প্ৰতিকুল বতৰ আৰু লকডাউনৰ বাবে বনবিভাগে আজি উদ্ধাৰ অভিযান চলাব নোৱাৰিলে। অৱশ্যে শনিবাৰে পুৱা হুদুটো উদ্ধাৰ কৰা হ’ব বুলি বনাঞ্চলিক বিষয়াই জানিবলৈ দিছে ।