নিয়মীয়া বাৰ্তা, ১৯ ফেব্ৰুৱাৰী: কাছাৰ জিলাৰ লক্ষ্মীপুৰ সমষ্টিত বাৰ্মিজ চিগাৰেট সহ দুগৰাকী ট্ৰাক চালকক আটক কৰিছে আৰক্ষীয়ে। অসম- মনিপুৰ সীমান্তৰ জিৰিঘাট চেক গেটত নাকা চেকিংত বৃহৎ পৰিমাণৰ বাৰ্মিজ চিগাৰেট জব্দ কৰে আৰক্ষীয়ে। মণিপুৰৰ পৰা অহা দুখন ট্ৰাকত তালাচি চলাই চিগাৰেট জব্দ কৰাৰ পিছত আৰক্ষীয়ে দুজন ট্ৰাক চালকক গ্ৰেপ্তাৰ কৰে। জব্দ কৰা ট্ৰাক দুখনৰ নম্বৰ এম এন ০৫ চি ১৪০৩ আৰু এএছ ০১ ২৯৪৮। আৰক্ষীৰ সূত্ৰ অনুসৰি, ২৬ টা কাৰ্টুন অৰ্থাৎ ১৩০০ বাণ্ডিল চিগাৰেট ট্ৰাক দুখনৰ পৰা জব্দ কৰা হয়।উইন নামৰ চিগাৰেটৰ মূল্য ৬ লক্ষ টকা হ’ব। আৰক্ষীয়ে জিৰিঘাট আৰক্ষী থানাত আটকাধীন ট্ৰাক চালকক জেৰা কৰি আছে।