নিয়মীয়া বাৰ্তা, ৭ মেঃ শোণিতপুৰ জিলাৰ ঢেকীয়াজুলিৰ গভাইট চোৰৰ দেহত ক’ৰোনা ভাইৰাছ। শিলচৰত আক্ৰান্ত হোৱা ফৰিদুল ইছলাম(৩৫) অসম আৰক্ষীৰ মষ্ট ৱান্টেড গাড়ী চোৰ। দীৰ্ঘদিনে আৰক্ষীৰ চকুত ধূলি দি পলাই আছিল ফৰিদুল। ঢেকীয়াজুলিৰ কোঁচগাঁৱত ঘৰ ধৃত চোৰটোৰ।
শেহতীয়াকৈ লখিমপুৰ জে’লৰ পৰা ওলাই আজমীৰ শ্বৰীফ দৰ্শন কৰিবলৈ গৈছিল ফৰিদুল। আজমীৰৰ পৰা আহি গ্ৰেপ্তাৰৰ আশংকাত ঢেকীয়াজুলিলৈ ঘূৰি নগৈ শিলচৰলৈ গৈছিল চোৰটো। তাতেই স্ৱাস্থ্য পৰীক্ষাত ধৰা পৰিল ক’ভিড-১৯ৰ অৱস্থিতি। ধৃত ফৰিদুলৰ বিৰুদ্ধে ঢেকীয়াজুলি, ইটানগৰ, নগাঁও, চাংসাৰি, কলিয়াবৰ আদি বিভিন্ন ঠাইত ৰুজু হৈ আছে গোচৰ। অসমৰ ৪৫নং ৰোগী ফৰিদুল ইছলাম।