নিয়মীয়া বাৰ্তা, ৯ মাৰ্চঃ আজি ঘোষিত হোৱা পৌৰসভা নিৰ্বাচনৰ ফলাফলত গেৰুৱাময় হ’ল গোলাঘাট জিলাৰ পাঁচটা পৌৰসভা। গোলাঘাট জিলাৰ গোলাঘাট, দেৰগাঁও, সৰুপথাৰ, বৰপথাৰ আৰু বোকাখাত পৌৰসভা অগপ বিজেপিৰ মিত্ৰজোঁটে দখল কৰি কংগ্ৰেছ শূণ্য জিলা হিচাপে পৰিগণিত হয়। ২৫ বছৰ কংগ্ৰেছৰ দখলত থকা গোলাঘাট পৌৰসভা এইবাৰ বিজেপিৰ কোলাত বহিল। গোলাঘাট আৰু দেৰগাঁও পৌৰসভাৰ ভোট গণনা হয় গোলাঘাটৰ চৰকাৰী বেজবৰুৱা উচ্চতৰ মাধ্যমিক বিদ্যালয়ত। গোলাঘাট পৌৰসভাৰ ১৩ টা ৱাৰ্ডত 3 টা অগপ ১০ টা বিজেপিৰ প্ৰাৰ্থীয়ে জয়লাভ কৰাৰ বিপৰীতে মুখ ঠেকেচা খালে কংগ্ৰেছে। গোলাঘাট পৌৰসভাৰ ১ নং ৱাৰ্ডত বিজেপিৰ নৱনীতা বৰা, ২ নং ৱাৰ্ডত অগপৰ হালিমা ছিদ্দিকি, ৩ নং ৱাৰ্ডত অগপৰ তিলোত্তমা শইকীয়া, ৪নং ৱাৰ্ডত অগপৰ সতীশ চন্দ্ৰ বৰ্মন, ৫ নং ৱাৰ্ডত বিজেপিৰ কৃষ্ণা ধৰ গুপ্তা, ৬নং ৱাৰ্ডত বিজেপিৰ প্ৰনয়জ্যোতি চলিহা, ৭ নং ৱাৰ্ডত বিজেপিৰ কৃষ্ণা কুমাৰ গুপ্তা, ৮নং ৱাৰ্ডত বিজেপিৰ অজয় ভৰালীয়ে বিনা প্ৰতিদ্বন্দিতা বিজয় লাভ কৰে, ৯ নং ৱাৰ্ডত বিজেপিৰ সীমান্ত বৰা, ১০ নং ৱাৰ্ডত বিজেপিৰ ৰবীন বৰুৱা, ১১ নং ৱাৰ্ডত বিজেপিৰ দুলুমনি বৰবৰা, ১২নং ৱাৰ্ডত বিজেপিৰ অৰ্চনা বৰা শইকীয়া আৰু ১৩নং ৱাৰ্ডত বিজেপিৰ ৰশ্মি দাসে বিজয় সাব্যস্ত কৰে। আনহাতে দেৰগাঁও পৌৰসভাৰ মুঠ ১০ টা ৱাৰ্ডত অগপয়ে ১ টা,, নিৰ্দলীয় ১টা, কংগ্ৰেছ ১ টা আৰু বিজেপিয়ে ৭ ৱাৰ্ড দখল কৰিবলৈ সক্ষম হয়। দেৰগাঁও পৌৰসভাৰ ১ নং ৱাৰ্ডত বিজেপিৰ স্নেহলতা নাথ, ২ নং ৱাৰ্ডত বিজেপিৰ উজ্জল কুমাৰ কাশ্যপ, ৩ নং ৱাৰ্ডত বিজেপিৰ মিতালী ফুকন বৰুৱা, ৪ নং ৱাৰ্ডত বিজেপিৰ শুভাঙ্কৰ ঘোষ, ৫ নং ৱাৰ্ডত বিজেপিৰ মধুমিতা বৰা, ৬ নং ৱাৰ্ডত বিজেপিৰ নিশা লিম্বু, ৭ নং ৱাৰ্ডত নিৰ্দলীয় দিপা সোমানি, ৮ নং ৱাৰ্ডত অগপৰ দীপাঞ্জন হাজৰিকা ৯ নং ৱাৰ্ডত বিজেপিৰ ৰূপাঞ্জলী বৰা, ১০ নং ৱাৰ্ডত কংগ্ৰেছৰ শীতল সোমানিয়ে বিপুল ভোটৰ ব্যৱধানত জয় লাভ কৰিবলৈ সক্ষম হয়। আনহাতে সৰুপথাৰ মহাবিদ্যালয়ত বৰপথাৰ আৰু সৰুপথাৰ পৌৰসভাৰ ভোট গণনা সম্পন্ন কৰা হয়। সৰুপথাৰ পৌৰসভাৰ ১০ টা ৱাৰ্ডতে বিজেপি মিত্ৰজোটৰ প্ৰাৰ্থীৰ জয়ী লাভ কৰে। সৰুপথাৰ পৌৰসভাৰ ১ নং ৱাৰ্ডত বিজেপি প্ৰাৰ্থী নিলাক্ষী কোঁৱৰ, ২ নং ৱাৰ্ডত অগপৰ প্ৰাৰ্থী ৰানা প্ৰতাপ দুৱাৰা , ৩ নং ৱাৰ্ডত বিজেপি প্ৰাৰ্থী ভাৰতী কেওত, ৪নং ৱাৰ্ডত বিজেপি প্ৰাৰ্থী জগদীশ চুতীয়া, ৫নং ৱাৰ্ডত অগপ প্ৰাৰ্থী সুনন্দা দাস দেৱ, ৬ নং ৱাৰ্ডৰ বিজেপি প্ৰাৰ্থী জগন্নাথ ফুকন , ৭ নং ৱাৰ্ডত বিজেপি প্ৰাৰ্থী উষা আগৰৱালা, ৮ নং ৱাৰ্ডত বিজেপি প্ৰাৰ্থী কৃষ্ণা চেন, ৯ নং ৱাৰ্ডত বিজেপি প্ৰাৰ্থী প্ৰীতম দত্ত, ১০ নং ৱাৰ্ডত বিজেপি প্ৰাৰ্থী প্ৰবাল প্ৰতীম সন্দিকৈয়ে জয় লাভ কৰে। ইফালে বৰপথাৰ পৌৰসভাৰ ১০ টা ৱাৰ্ডতে বিজেপি মিত্ৰজোটৰ প্ৰাৰ্থীয়ে জয় লাভ কৰে। বৰপথাৰ পৌৰসভাৰ ১ নং ৱাৰ্ডত বিজেপি প্ৰাৰ্থী মল্লিকা দত্ত , ২ নং ৱাৰ্ডত বিজেপি প্ৰাৰ্থী সঞ্জীৱ কুমাৰ বৰুৱা , ৩ নং ৱাৰ্ডত বিজেপি প্ৰাৰ্থী অজিত পৰ্দাৰ , ৪ নং ৱাৰ্ডত অগপৰ প্ৰাৰ্থী ৰূপম গগৈ,
৫ নং ৱাৰ্ডত বিজেপি প্ৰাৰ্থী ৰিংকি শৰ্মা দেৱ, ৬ নং ৱাৰ্ডৰ অগপৰ প্ৰাৰ্থী তুৱাহিৰা বেগম,
৭ নং ৱাৰ্ডত বিজেপি প্ৰাৰ্থী জুলি দাস , ৮ নং ৱাৰ্ডত বিজেপি প্ৰাৰ্থী ৰিতামনি লাহন গগৈ , ৯ নং ৱাৰ্ডত বিজেপি প্ৰাৰ্থী দেৱজিৎ সেন , ১০ নং ৱাৰ্ডত বিজেপি প্ৰাৰ্থী সঞ্জীৱ পালে জয়লাভ কৰে।
প্ৰেৰকঃ ভৰত দত্ত গোলাঘাট