নিয়মীয়া বাৰ্তা, ৮ জুলাইঃ চিৰাং জিলাত পুনৰ ৭ জন ব্যক্তিৰ দেহত কোভিড-১৯ পজিটিভ ধৰা পৰিছে। ইয়াৰ ভিতৰত এজন আৰক্ষীৰ লোক আছে। জিলাখনৰ বিজনী থানাত কৰ্মৰত নগেন বসুমতাৰী (৫০) নামৰ আৰক্ষী জোৱান জনৰ লগতে চেন্নাই ফেৰৎ ৰুণিখাটাৰ পুজু কৱাৰ খাকলাৰী (২২), পুংজা ৱাৰী (২১) আৰু সুবন্দা বসুমতাৰী(২৬ ভ্ৰমণ তথ্য বিহীন), কাজলগাঁৱৰ সমীপৱৰ্ত্তী পশ্চিম বিলাসপুৰৰ চৌৰাং বসুমতাৰী (২১,চেন্নাই ফেৰৎ), কয়লাময়লাৰ সুদেম ছেত্ৰী (২২,গুজৰাট ফেৰৎ) আৰু উত্তৰ আমটেকাৰ ভূদেশ্বৰ ওৰাং (১৯,বাংগালুৰু ফেৰৎ)আজি ক’ভিড-১৯ ত আক্ৰান্ত হোৱা বুলি জিলা স্বাস্থ্য বিভাগে জানিবলৈ দিয়ে। সম্প্ৰতি জিলাখনত ক’ৰোনা পজিটিভৰ সংখ্যা হ’লগৈ ৭৮ গৰাকী। ইয়াৰে ৪১ জন চিকিৎসাধীন হৈ থকাৰ বিপৰীতে ৩৭ জন ক’ৰোনা মুক্ত হোৱাৰ পিছত জিলা স্বাস্থ্য বিভাগে ঘৰলৈ প্ৰেৰণ কৰিছে।