নিয়মীয়া বাৰ্তাঃ ২৬ ডিচেম্বৰ: মৰিগাঁও জিলাৰ মিকিৰভেটা আৰক্ষী থানাৰ অন্তৰ্গত বৃহত্তৰ চৰাইবাহী অঞ্চলৰ ভড়ালী চুকত বহু বছৰৰ পৰা অবৈধ ভাৱে চলাই অহা চুলাই ভাতিত আজি মৰিগাঁও জিলা আবকাৰী বিভাগে অতৰ্কিতে অভিযান চলাই ৷ মিকিৰভেটা আৰক্ষীৰ সহযোগত চলোৱা এই অভিযানত প্ৰায় ৪ হাজাৰ লিটাৰ দেখীয় সুৰা নষ্ট কৰাৰ লগতে ১৫ টা লালীগুড়ৰ টিন জব্দ কৰিবলৈ সক্ষম হয় ৷ অৱশ্যে এই অভিযানৰ সময়ত অবৈধ দেখীয় সুৰা প্ৰস্তুত কৰা ব্যক্তি সকল পলাই যাবলৈ সক্ষম হয় যদিও আৰক্ষীয়ে সুৰা প্ৰস্তত কৰা সামগ্ৰী সমূহ নষ্ট কৰিবলৈ সক্ষম হয় ৷