ছয়গাঁও আৰক্ষীৰ অভিযান; বেটাৰীসহ ২ চোৰক আটক

নিয়মীয়া বাৰ্তা, ২১ জুনঃ কামৰূপ জিলাৰ ছয়গাঁও আৰক্ষী থানাৰ অন্তৰ্গত গৰৈমাৰীৰ হাতীপাৰাত আজি ছয়গাঁও আৰক্ষীয়ে বেটাৰীসহ দুটা চোৰক আটক কৰিবলৈ সক্ষম হয় ।

আটকাধীন লোক দ্বয় হল হাতীপাৰাৰ আব্দুল জলীল আৰু চাইদুল ইছলাম ।

ঘটনাৰ বিৱৰণীত জানিব পৰা মতে, ছয়গাঁৱৰ ধুমগাড়াৰ পৰা অলপতে এখন ট্ৰাকৰ পৰা বেটাৰী চুৰি হৈছিল । এই ঘটনা সন্দৰ্ভত ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত এটি আৰক্ষীৰ দলে আজি পুৱতি নিশা অভিযান চলাই লোক দ্বয়ক আটক কৰিবলৈ সক্ষম হয় । বেটাৰীটো আব্দুল জলিলৰ ঘৰৰ পৰা উদ্ধাৰ কৰা বুলি আৰক্ষী সূত্ৰে জানিব পৰা গৈছে ।

ছয়গাঁও আৰক্ষী থানাত ৫৪০/২০২০ নম্বৰত ৰুজু হোৱা গোচৰৰ ভিত্তিত আজি লোক দুজনক ছয়গাঁও আৰক্ষীয়ে আটক কৰে ।