নিয়মীয়া বাৰ্তা, ৯ জুন: মৰিগাঁও জিলাৰ লাহৰীঘাটৰ টেঙাগুৰি জাতীয় বিদ্যালয়ত সম্বৰ্ধনা সভাৰ আয়োজন কৰা হয় ৷চলিত বৰ্ষত বিদ্যালয়খনৰ পৰা উত্তীৰ্ণ ছাত্ৰ ছাত্ৰী আৰু অভিভাৱক সকলক সম্বৰ্ধনা জনোৱা হয় ।অন্য বৰ্ষৰ দৰে হাইস্কুল শিক্ষান্ত পৰীক্ষাত এইবাৰো টেঙাগুৰি জাতীয় বিদ্যালয়ত ১০০%ছাত্ৰ ছাত্ৰী উত্তীৰ্ণ হয় ।বিগত তিনি বছৰে টেঙাগুৰি জাতীয় বিদ্যালয়ে এশ শতাংশ উত্তীৰ্ণৰে হাইস্কুল শিক্ষান্ত পৰীক্ষাত সাফল্যৰ ধাৰা অব্যাহত ৰাখিছে ।এই উপলক্ষে কালি বিদ্যালয় প্ৰাংগনত এখনি সম্বৰ্ধনা সভা অনুষ্টিত কৰে। সম্বৰ্ধনা সভাৰ লগতে এখনি সভাও অনুষ্টিত হয় ।টেঙাগুৰি জাতীয় বিদ্যালয়ৰ পৰিচালনা সমিতিৰ সভাপতি তথা বিশিষ্ট সাংবাদিক আবুল কালামৰ সভাপতিত্বত অনুষ্টিত সভাত ছাত্ৰ ছাত্ৰ আৰু অভিভাৱক সকলকলৈ শৈক্ষিক দিশত বিশদ আলোচনা কপা হয় ।এই সম্বৰ্ধনা সভাত উত্তীৰ্ণ ছাত্ৰ ছাত্ৰীৰ লগতে অভিভাৱক সকলক সম্বৰ্ধনা জনোৱা হয় ।