নিয়মীয়া বাৰ্তা, ২৯ জানুৱাৰী: তিনিচুকীয়া আৰক্ষীৰ প্ৰতিটো দিনতে অব্যাহত আছে মাৰাত্মক ড্ৰাগছৰ বিৰুদ্ধে অভিযান। আজি তিনিচুকীয়া সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া পৰাগজ্যোতি বুঢ়াগোহাঁই আৰু তিনিচুকীয়া জিলাৰ অপৰাধ শাখাৰ অতিৰিক্ত আৰক্ষী অধীক্ষক মাইনুল ইছলামেও উপস্থিতিত ন-পুখুৰী আৰক্ষী চকীৰ ভাৰপ্ৰাপ্ত আৰক্ষী বিষয়া ডেইজী নাথে অভিযান চলাই ৰংপুৰৰ পৰা সন্দেহযুক্ত ড্ৰাগছসহ এজন যুৱকক আটক কৰে । আটকাধীন যুৱকজন তিনিচুকীয়াৰ জ্যোতিগৰৰ বাসিন্দা বিদ্যাসাগৰ গুপ্তা বুলি চিনাক্ত কৰা হৈছে। যুৱকজনৰ পৰা আৰক্ষীয়ে AS23 E3204 নম্বৰৰ এখন KTM মটৰচাইকেল, এটা মবাইল, কিছু নগদ ধনসহ ৩.১৯ গ্ৰাম ড্ৰাগছ জব্দ কৰিবলৈ সক্ষম হৈছে ৷ পৰৱৰ্তী সময়ত যু্ৱকজনক আৰক্ষীয়ে তিনিচুকীয়া সদৰ আৰক্ষী থানালৈ লৈ যোৱাৰ লগতে অধিক তথ্যৰ সন্ধানত তদন্ত অব্যাহত ৰাখিছে আৰু যুবকজনৰ ভাষ্যৰ ভিত্তিত বহু ড্ৰাগছ সৰবৰাহকাৰীৰ বিৰুদ্ধে অভিযান অব্যাহত ৰাখিছে তিনিচুকীয়া আৰক্ষীয়ে ।
প্ৰেৰক:-বিবেক বড়া