নিয়মীয়া বাৰ্তা, ১৬ জুলাইঃ টাই আহোম যুৱ পৰিষদ অসমৰ ২৫ তম প্ৰতিষ্ঠা দিৱসটি নাহৰকটীয়া মহকুমাৰ উদ্যোগত আজি দুলীয়াজানৰ ছলাকটকীস্থিত চাও চেং ৰেণত অনুষ্টুপীয়াকৈ অনুষ্ঠিত হৈ যায় ।
নাহৰকটীয়া মহকুমাৰ অন্তৰ্গত ভাদৈ পাঁচআলি, দুলীয়াজান, চাচনী, জয়পুৰ, দুলীয়াজান নাওহলীয়া, নিগাম, টিংখাং আৰু নাহৰকটীয়া আঞ্চলিক সমিতিৰ টাইপাৰ সদস্যৰ উপস্থিতিত অনুষ্ঠিত ৰূপালী জয়ন্তী বৰ্ষৰ পতাকা উত্তোলন কৰে নাহৰকটীয়া মহকুমাৰ সভাপতি অনন্ত ফুকনে ৷
অনুষ্ঠানটোৰ উপলক্ষে মে- ডাম তৰ্পণ কৰে নাহৰকটীয়া সমিতিৰ যুটীয়া সম্পাদক সমৰজিৎ ৰাজকোঁৱৰ আৰু ননী কোৱঁৰে ৷ বিশিষ্ট অতিথি হিচাবে উপস্থিত থাকে টাইপাৰ উপদেষ্টা জীৱকান্ত গগৈ, প্ৰদীপ গগৈ, ৰাতুল গগৈ, ভৰত গগৈ,কেন্দ্ৰীয় প্ৰচাৰ সম্পাদক মানস প্ৰতিম গগৈ আদি টাইপাৰ শুভাকাংক্ষীসকল।