নিয়মীয়া বাৰ্তা, ৩ আগষ্ট : উচ্চতৰ মাধ্যমিকৰ চূড়ান্ত বৰ্ষত সুখ্যাতিৰে উত্তীৰ্ণ হোৱা দুলীয়াজান ছেন্ট জেৰ্ভিয়াছ স্কুলৰ কৃৰ্ত্তী ছাত্ৰী ইৰাণী হুছেইনক স্হানীয় কেইবাটাও দল-সংগঠনে বাসগৃহত উষ্ম সম্বৰ্ধনা জ্ঞাপন কৰে । ৮৪ শতাংশ নম্বৰ লৈ কলা শাখাৰ পৰা উত্তীৰ্ণ হোৱা ছাত্ৰীগৰাকীক সম্বৰ্ধনা জনোৱাৰ উদ্দেশ্যে তেওঁৰ বাসগৃহতে কালি অনুষ্টুপীয়াকৈ আয়োজন কৰা হয় এক অভিনন্দন অনুষ্ঠান ।
অনুষ্ঠিত সভাত সদৌ অসম ছাত্ৰ সন্হা দুলীয়াজান আঞ্চলিক, সংখ্যালঘু ছাত্ৰ ইউনিয়ন, অসম জাতীয়তাবাদী যুৱ ছাত্ৰ পৰিষদ, তাই আহোম ছাত্ৰ সন্হা, গোৰ্খা ছাত্র সন্হা, আদিবাসী ছাত্র সন্হা, বেংগলী ফেডাৰেচনকে ধৰি অগপ দলীয় কৰ্মীসকলেও ছাত্ৰী গৰাকীক আৰ্শীবাদ আৰু শুভেচ্ছামূলক মন্তব্যৰে সম্বৰ্ধনা জনাই ।
ডিব্ৰুগড় জিলা গোৰ্খা সন্মিলনৰ সভাপতি মোহন উপাধ্যায় পৌৰহিত্য কৰা অভিনন্দন অনুষ্ঠানটিত উদ্দেশ্যে ব্যাখ্যা আগবঢ়াই স্হানীয় শিক্ষক পলাশজ্যোতি শৰ্মাই । উপস্থিত থাকে ডিব্ৰুগড় খাদ্য আৰু যোগান বিভাগৰ পৰিদৰ্শক হাইদৰ আলি, অধিবক্তা ছমসাদ আনছাৰী প্ৰমুখ্যে সমূহ দল সংগঠনৰ বিষয়ববীয়া আৰু সদস্যসকল । অগপ নেতা তথা টিংৰাই চাৰিআলিৰ সমাজকৰ্মী টুলটুল হুছেইনৰ কন্যা ইৰাণী হুছেইনৰ শৈক্ষিক সাফল্যত অঞ্চলটো গৌৰাৱান্বিত ।