নিয়মীয়া বাৰ্তা, ১১ জুলাইঃ দুলীয়াজানৰ শৈক্ষিক সামাজিক সংস্থা মেধা ফাউণ্ডেশ্যনৰ প্ৰথম বাৰ্ষিক প্ৰতিষ্ঠা দিৱস উপলক্ষে যোৱাবৰ্ষৰ মেট্ৰিক পৰীক্ষাত ৮০ শতাংশ নম্বৰ লৈ উত্তীৰ্ণ হোৱা বৰ্তমান অইল ইণ্ডিয়া উঃ মাঃ বিদ্যালয়ৰ বিজ্ঞান শাখাৰ ছাত্ৰ বিশাল পাণ্ডেলৈ কিতাপৰ টোপোলা আগবঢ়োৱা হয় ।
আনহাতে দুলীয়াজান ছেন্ট জেৰ্ভিয়াছ উচ্চতৰ মাধ্যমিক বিদ্যালয়ৰ পৰা কলা শাখাত অষ্টম স্থান দখল কৰা ছাত্ৰী আফ্ৰিন ইছলামকো সম্বৰ্ধনা জ্ঞাপন কৰে মেধা ফাউণ্ডেশ্যনে ।
মেধা ফাউণ্ডেশ্যনৰ প্ৰথম বাৰ্ষিক প্ৰতিষ্ঠা দিৱসত বৃহত্তৰ দুলীয়াজান অঞ্চলৰ প্ৰতিখন বিদ্যালয়ৰ উচ্চ আৰু উচ্চতৰ মাধ্যমিক পৰীক্ষাত সৰ্বোচ্চ নম্বৰ লাভ কৰা কৃৰ্তীমান ছাত্ৰ-ছাত্ৰীক তেওঁলোকৰ বাসগৃহত গৈ একোখনকৈ অভিনন্দন পত্ৰ আৰু অন্যান্য উপহাৰো আগবঢ়াই ফাউণ্ডেশ্যনৰ তৰফৰ পৰা।