নিয়মীয়া বাৰ্তা, ১১ জুলাইঃ শুকুৰবাৰে সন্ধিয়া দৰঙৰ ৩৫ জন লোকৰ দেহত ক’ভিডৰ উপস্থিতি ধৰা পৰাৰ পিছত শনিবাৰে পুনৰ ১০ জন লোক আক্ৰান্ত হৈছে ক’ভিডত । জিলা স্বাস্থ্য বিভাগৰ তথ্য অনুসৰি শুকুৰবাৰে আক্ৰান্ত হোৱা ৩৫ জন লোকৰ ভিতৰত ৯ জন মঙলদৈ পলিক্লিনিকৰ কৰ্মচাৰী হোৱাৰ বিপৰীতে এগৰাকী মঙলদৈ নগৰীয়া স্বাস্থ্য কেন্দ্ৰৰ কৰ্মচাৰী আৰু এগৰাকী আশাকৰ্মী । আনহাতে ৩ জন পলি ক্লিনিকত চিকিৎসা গ্ৰহণ কৰি থকা লোক ।
ইফালে শনিবাৰে আক্ৰান্ত হোৱাসকলৰ ভিতৰত ডাঃ মুনীন্দ্ৰ মেধি মঙলদৈ অসামৰিক চিকিৎসালয়ৰ মনোৰোগ বিভাগৰ চিকিৎসক । আনহাতে ফুলমণি বৰুৱা গোসাইগাওঁ ক্ষুদ্র প্ৰাথমিক স্বাস্থ্য কেন্দ্ৰৰ স্বাস্থ্যকৰ্মী হোৱাৰ বিপৰীতে পল্লৱ নাৰায়ণ কোঁৱৰ পিকচেল ডায়েগন’ষ্টিক চেন্টাৰ আৰু জয়দেৱ লোহাৰ লুইত ডায়েগন’ষ্টিক চেন্টাৰৰ কৰ্মচাৰী । তদুপৰি প্ৰদীপ ৰাভা কামৰূপ জিলাত কৰ্মৰত এগৰাকী স্বাস্থ্য কৰ্মী আৰু ময়নুদ্দিন আহমেদ মঙলদৈৰ মহামায়া অপ্তিকেলৰ কৰ্মচাৰী । আন লোকসকল বহি:ৰাজ্যৰ পৰা দৰঙলৈ অহা নতুবা কনন্টেইনমেন্ট জ’নৰ বাসিন্দা । এই লোককেইজনক ধৰি জিলা খনত ক’ভিড আক্ৰান্ত লোকৰ সংখ্যা ৪২৭ জনলৈ বৃদ্ধি পালে