নিয়মীয়া বাৰ্তা, ২৪ অক্টোবৰ: ধুবুৰীত ভাৰতীয় জনতা যুৱ মৰ্চাৰ প্ৰশংসনীয় পদক্ষেপ। ধুবুৰী পৌৰসভা ১১ নং ৱাৰ্ড এলেকাৰ দৰিদ্ৰ পৰিয়ালৰ মাজত আজি সংগঠনটোৱে বিতৰণ কৰে মাটিৰ চাকি, মিঠাতেল আৰু মিঠাই। অহাকালিৰ দীপাৱলীৰ দিনটোত দৰিদ্ৰসকলোকো সকাহ দিবলৈ, নিজ নিজ গৃহ পোহৰেৰে উজলাই তুলিবলৈ লোৱা ভাৰতীয় জনতা যুৱ মৰ্চাৰ ধুবুৰী জিলাৰ উদ্যোগত আজি অনুষ্ঠিত হোৱা আজিৰ এই কাৰ্য্যসূচীয়ে দৃষ্টি আকৰ্ষণ কৰিছে আৰু আগত সময়ত চহৰখনৰ অইন অইন অঞ্চলতো এনে পদক্ষেপ গ্ৰহণ কৰাৰো কামনা কৰিছে বহুতেই। ধুবুৰী জিলাৰ ভাৰতীয় জনতা যুৱ মৰ্চাৰ সভাপতি নিৰ্ম্যাল্য পালৰ উদ্যেগত আয়োজিত আজিৰ এই কাৰ্য্যসূচীত বিজেপিৰ ধুবুৰী জিলাৰ সভাপতি প্ৰসেনজিৎ দত্ত, দলটোৰ ৰাজ্যিক কাৰ্য্যনিৰ্বাহক সদস্য দীপক কুমাৰ সাহা, ধুবুৰী পৌৰসভাৰ অধ্যক্ষ ডা৹ দেৱময় সান্যালকে ধৰি অঞ্চলটোৰ ৱাৰ্ড আয়ুক্ত পুষ্প মালো প্ৰমুখ্যে বিজেপিৰ জনতা যুৱ মৰ্চাৰ জিলা আৰু মন্ডলৰ বিভিন্ন স্তৰৰ কাৰ্য্যকৰ্তা উপস্থিত আছিল।