নিয়মীয়া বাৰ্তা, ১২ ডিচেম্বৰ: ধুবুৰী জিলাৰ গৌৰীপুৰ আঞ্চলিক বন বিষয়াৰ কাৰ্যালয়ৰ অধীনস্থ বন বিভাগৰ এটি দলে আজি জিলাখনৰ পানবাৰীৰ সমীপৰ বগুলামাৰী এলেকাৰ পৰা এটা দুষ্প্ৰাপ্য বনৰৌ উদ্ধাৰ হোৱাৰ এক বাতৰি পোহৰলৈ আহিছে। ঘটনাটো সন্দৰ্ভে জানিব পৰা মতে আজি বগুলামাৰী অঞ্চলৰ স্থানীয় ৰাইজে এলেকাটোত বনৰৌ টো ঘূৰি-ফুৰা প্ৰতক্ষ্য কৰি বিষয়টো গাওঁ ৰক্ষী বাহিনীক অৱগত কৰে। বিষয়টো গম পাই গাওঁৰক্ষী বাহিনীয়ে বগুলামাৰী অঞ্চলত বনৰৌ এটা অনাই–বনাই ঘূৰি ফুৰাৰ ঘটনাটো ধুবুৰী জিলাৰ গৌৰীপুৰৰ বন বিভাগক অৱগত কৰে। তেতিয়া গৌৰীপুৰ বন বিভাগে তৎক্ষণাত বগুলামাৰীত উপস্থিত হৈ বনৰৌটোক উদ্ধাৰ কৰি গৌৰীপুৰ আঞ্চলিক বন বিষয়াৰ কাৰ্যালয় আনে আৰুৱ দুষ্প্ৰাপ্য সেই বনৰৌটোৰ প্ৰাথমিক চিকিৎসাৰ বাবে যাৱতীয় ব্যৱস্থা হাতত লোৱা বুলি জানিব পৰা গৈছে।