নিয়মীয়া বাৰ্তা, ১৫ মেঃ নগাঁৱত ড্ৰাগছ-মাফিয়া আৰু আৰক্ষীৰ মাজত সংঘৰ্ষ। আৰক্ষীৰ গুলীচালনাত আহত এগৰাকী মহিলাসহ ড্ৰাগছ মাফিয়া আৰজুল আলী। ঘটনা অনুসৰি নগাঁৱৰ বৰবজাৰত লক ডাউনৰ সময়তো বহু লোকৰ সমাগম হোৱাত মোতায়েন কৰা হৈছিল আৰক্ষী। এনেসময়তে কৰ্তব্যৰত আৰক্ষীৰ ওপৰত জঁপিয়াই পৰিল ড্ৰাগছ মাফিয়া আৰজুল।
আৰক্ষীক কামুৰি আহত কৰাৰ ওপৰিও পিষ্টল কাঢ়ি নিয়া চেষ্টা নগাঁও আৰক্ষীৰ মষ্ট ৱান্টেড আৰজুলে। আৰক্ষীৰ লগত হোৱা টনা-আজোঁৰাত দুৰ্ঘটনাবশত ফুটা গুলীটো লাগিছিল আৰজুলৰ ভৰিত আনহাতে আহত হৈছিল আন এগৰাকী মহিলা। দীৰ্ঘদিনে ড্ৰাগছ ব্যৱসায়ৰ লগতে জড়িত আৰজুলক ইতিমধ্যে হাস্পতালত ভৰ্তি কৰোৱা হৈছে।