নিয়মীয়া বাৰ্তা, ২৭ আগষ্ট: নগৰবেৰাৰ টুপামাৰী আৰক্ষী চকীৰ অন্তৰ্গত টুপামাৰী আৰু নতুন বদলাত নিশা চাৰিটাকৈ ঘৰত চোৰে চলালে তাণ্ডব ,লুটি নিলে নগদ ধন ,বয়বস্তু৷আ-অলংকাৰ |চোৰে একে গাঁৱৰে ক্ৰমে-মিজানুৰ ৰহমান,কৰিম,আকবৰ আলী আৰু ৩নং টুপামাৰীৰ হাসেম আলী নামৰ চাৰিটাকৈ পৰিয়ালত প্ৰবেশ কৰি চোৰে তাণ্ডৱ চলায় |
জানিব পৰা মতে মিজানুৰ ৰহমানৰ নগদ ৩০০০০ হাজাৰ ,কৰিমৰ ঘৰত নগদ ৫৫০০০ হাজাৰ ,আকবৰ আলীৰ ঘৰত নগদ ৩০০০০ হাজাৰ আৰু ৩নং টুপামাৰী গাঁৱৰ হাসেম আলীৰ ঘৰৰ পৰা গহণা সহ নগদ ৬০০০০ হাজাৰ টকা চোৰে লৈ উধাও হয় |পৰিয়াল কেইটাত নিশাৰ ভাগত চোৰ সোমাই বাকচৰ তলা ভাঙি সামগ্ৰী সমূহ লৈ নিৰ্বিঘ্নে আতৰি যায় ,পুৱাৰ ভাগত পোহৰলৈ আহে চুৰিকাণ্ড | খৱৰ পাই আজি পুৱাৰ ভাগত চুৰিকাণ্ড সংঘটিত হোৱা পৰিয়াল সমূহত টুপামাৰী আৰক্ষীৰ এটা দল উপস্থিত হৈ তদন্ত আৰম্ভ কৰে যদিও কোনো সম্ভেদ পোৱা নাই এই চুৰি চক্ৰৰ |স্মৰ্তৱ্য যে দীৰ্ঘদিনৰে পৰা অঞ্চলটোত চোৰৰ তাণ্ডব অব্যাহত আছে যদিও নিস্ক্ৰীয় গাঁওৰক্ষী বাহিনী কিম্বা সংশ্লিষ্ট আৰক্ষী প্ৰশাসন,ফলত চোৰৰ অতঃপালিত অঞ্চল জুৰি এক আতংকময় পৰিবেশ বিৰাজ কৰিছে |
@প্ৰেৰক-সঞ্জীৱ কুমাৰ দাস/নগৰবেৰা