নাজিৰাত সাংসদ তপন কুমাৰ গগৈ আৰু বিৰোধী দলপতি দেৱব্ৰত শইকীয়াই একেলগ হৈ আঠটাকৈ পথৰ আধাৰশিলা স্থাপন

নিয়মীয়া বাৰ্তাঃ ৮মে’:- নাজিৰা বিধান সভা সমষ্টিৰ বিধায়ক তথা অসম বিধান সভাৰ বিৰোধী দলপতি দেৱব্ৰত শইকীয়াৰ প্ৰচেষ্টাত আৰু বিভিন্ন অঞ্চলৰ ৰাইজৰ আবেদন – নিবেদনৰ প্ৰতি সহাৰি জনাই অসম চৰকাৰে জনগণৰ যাতায়াতৰ বাবে পথসমূহ সুচল কৰি তোলাৰ উদ্দেশ্যে সমষ্টিটোৰ ভালেকেইটা পথ পকী কৰণৰ বাবে পৰ্যান্ত ধন আৱণ্টন জনাইছে । চৰকাৰৰ এই আৱণ্টিত ধনৰাশিৰে পথসমূহৰ ভিতৰত আজি আঠটাকৈ পথ পকী কৰণৰ কামৰ আধাৰশিলা স্থাপন কৰা হয় । নাজিৰা সমষ্টিৰ লোক নিৰ্মাণ বিভাগৰ অন্তৰ্গত শ্ৰীপুৰ পথ , দুৱৰা গাওঁ পথ , বেলেংবাৰী পথ , নগাওঁ পথ , শিমলুগুৰি – নাগিনীমৰা ( ৰাজগড় ) পথ , বাহঁগড় পথ , বৰ্ধিত চতাই আলি আৰু টাইৰাই গাওঁ পথ এই আঠটাকৈ পথৰ পকীকৰণৰ শুভাৰম্ভণিৰে আধাৰশিলা স্থাপন কৰে যোৰহাট লোকসভা সমষ্টিৰ সাংসদ তপন কুমাৰ গগৈ আৰু বিধায়ক তথা অসম বিধান সভাৰ বিৰোধী দলপতি দেৱব্ৰত শইকীয়াই ।দিনযোৰা কাৰ্যক্ৰমণিকাৰে সাংসদ তপন কুমাৰ গগৈ আৰু বিৰোধী দলপতি দেৱব্ৰত শইকীয়াই একেলগে কেওটাস্থানতে স্থানীয় বিশিষ্ট ব্যক্তি আৰু ৰাইজৰ উপস্থিতিত যৌথভাৱে পথসমূহৰ পকীকৰণৰ কামৰ শুভাৰম্ভণি কৰি আধাৰশিলা স্থাপন কৰা অনুষ্ঠানত ৰাইজে দুয়োগৰাকী জনপ্ৰতিনিধিকে কৃৰ্তজ্ঞতা প্ৰকাশ কৰে ।