বিশেষ বাৰ্তা, ৫ মাৰ্চ: আজি সন্ধিয়া জয়পুৰ থানাৰ অন্তৰ্গত নাহৰকটীয়া মহাবিদ্যালয় পথৰ চেৰেপাজান গাঁৱত অৱস্থিত ভাৰত পেট্ৰলীয়াম তেল ডিপোৰ সন্মুখত সংঘটিত হয় এক শোকাবহ ঘটনাই অঞ্চলটোত গভীৰ শোকৰ ছাঁ পেলাইছে। উক্ত ঘটনাত এ এছ ০১ পি চি নম্বৰৰ এখন ট্ৰাকৰ চেপাত নিহত হয় বিতু হাসদা নামৰ গোলাঘাট জিলাৰ বোকাখাত অঞ্চলৰ এজন ১৭ বছৰীয়া কিশোৰ। উল্লেখযোগ্য যে ডিপুৰ কাষৰ এখন দোকানত চিমেণ্ট নমাই দুলিয়াজান অভিমুখে যাবৰ বাবে গাড়ীখনৰ চালক জনে গাড়ীখন ঘূৰাই থকা অৱস্থাত গাড়ীৰ চেপাত নিহত হোৱা কিশোৰ গৰাকী আছিল গাড়ীখনৰ চালক জনৰ সম্পৰ্কীয় ভাতৃ আৰু তেওঁ ককায়েক গৰাকীৰ লগত উজনি অসম প্ৰত্যক্ষ কৰিবলৈ আহিছিল। ঘটনা সম্পৰ্কত প্ৰত্যক্ষ দর্শীয়ে জানিবলৈ দিয়া মতে গাড়ীখন ঘূৰাই থকা অৱস্থাত পিছফালৰ পৰা হঠাতে দৌৰি আহি কিশোৰ গৰাকীয়ে গাড়ীখনত উঠিবলৈ লওঁতে দুৱাৰৰ পৰা পিছলি পৰি চকাৰ তলত সোমাই গুৰুতৰ ভাৱে আঘাতপ্ৰাপ্ত হয় ।আঘাতপ্ৰাপ্ত কিশোৰ জনক ততাতৈয়াকৈ চালক জনে স্থানীয় লোকৰ সহায়ত নাহৰকটীয়া দীঘলাপথাৰস্থ চিকিৎসালয়লৈ লৈ যায় যদিও চিকিৎসকে কিশোৰজনক মৃত ঘোষণা কৰে। মৃত গোলাঘাট জিলাৰ বোকাখাতত। জয়পুৰ আৰক্ষীয়ে ইতিমধ্যে দুৰ্ঘটনা সংঘটিত কৰা ট্ৰাক খন জব্দ কৰাৰ লগতে চালক গৰাকীকো নিজৰ জিম্মাত লৈছে।
প্ৰেৰক প্ৰাঞ্জল ভূঞা