নিয়মীয়া বাৰ্তা, ৪ ছেপ্টেম্বৰঃ শোণিতপুৰৰ ৰঙাপৰা বিধানসভা সমষ্টিৰ গাছা খেলপথাৰত আজি ৰঙাপৰা সমষ্টিৰ প্ৰাক্তন তথা প্ৰয়াত বিধায়ক ৰাজেন বৰঠাকুৰ সোঁৱৰণী সমষ্টি তথা পঞ্চায়তভিত্তিত অনুষ্ঠিত প্ৰাইজমানী ফুটবল প্ৰতিযোগীতাৰ সফল সামৰণি পৰে । ৰঙাপৰা সমষ্টিৰ বৰ্তমানৰ বিধায়ক কৃষ্ণ কমল তাঁতীৰ পৃষ্ঠপোষকতাত অনুষ্ঠিত প্ৰতিযোগিতাখনিৰ আজি অনুষ্ঠিত ফাইনেল খেলখনত নিজ গৰৈমাৰী ফুল একাদশে প্ৰতিদ্বন্দী হাতীবাৰী একাদশক ৪-০ গ’লত পৰাস্ত কৰি চূড়ান্ত বিজয়ীৰ খিতাপ অৰ্জন কৰে । বিজয়ী দলটোক ট্ৰফী আৰু প্ৰাইজমানী এক লাখ টকা আৰু ৰাৰ্ণাছ আপ দলটোৱে ট্ৰফী আৰু নগদ পঞ্চাশ হাজাৰ টকা লাভ কৰে ।